हरवले ते गवसले का,

हरवले ते गवसले का,
गवसले ते हरवले का

मिलनाचा परिमल तोची,
फूल तेची त्या स्वरुपी
पाकळयांच्या उघडझापी,
हास्य उमलले वेगळे का

पावसाळी ग्रीष्मसरीता,
सागराला फिरुनी मिळता
जलाशयाची सृष्टी आता,
मृगजळे ही व्यापिली का

दूर असता जवळी आले,
जवळी येता दूर गेले
जो न माझे दुःख हसले,
तोची सुख ही दुखावले का

हरीनाम मुखी रंगते

हरीनाम मुखी रंगते,
एकतारी करी वाजते
विनविते मी तुला, भाववेडी मीरा
गोड नामी तुझ्या रंगते

घरट्यात माझीया आनंदाचा ठेवा
तुच यदुनाथा सदा असू द्यावा
इतुकेच मागणे तुझ्यापाशी मी मागते

काम क्रोध मत्सर कधी ना पाहिले
लोभ मोह सारे दूर मी सारिले
हरीच्याच चिंतनी, जीवनास मी वाहते

हलके हलके जोजवा, बाळाचा पाळणा

हलके हलके जोजवा, बाळाचा पाळणा
पाळण्याच्या मधोमध फिरतो खेळणा

सजली गं मऊ मऊ, मखमालीची शैय्या
निजली गं बाळाची, गोरी गोरी काया
बाळ रुपडे देवाचे, भुलविते लोचना

कुर्र करा कानात, हळूच भेटा गं
बारश्याचा सोहळा, घुगर्‍या वाटा गं
आज बाई इंद्राचा दरबार ठेंगणा

हले हा नंदाघरी पाळणा

हले हा नंदाघरी पाळणा
त्यात देखणा, गोजिरवाणा, हसतो गोकुळ राणा

ओठ लाल ते, डोळे चिमणे,
हास्यातून त्या फुले चांदणे
स्वरुप सुंदर लोभसवाणे, मोहून घेई मना

बोल बोबडे ते भाग्याचे,
शब्द वाटती ते वेदाचे
रुणझूणताती घुंगुरवाळे, येई धेनूना पान्हा

नंद यशोदा करीती कौतूक,
आनंदाचे अमाप ते सुख
मायपित्याविण कसे कळावे, सौख्य तयाचे कुणा

हात तुझा हातात अन धूंद ही हवा

हात तुझा हातात अन धूंद ही हवा
रोजचाच चंद्र आज, भासतो नवा

रोजचेच हे वारे, रोजचेच तारे
भासते परी नविन विश्व आज सारे
ही किमया स्पर्शाची, भारीते जीवा

या हळव्या पाण्यावर, मोहरल्या छाया
मोहरले हृदय तसे, मोहरली काया
चांदण्यात थरथरतो, मधुर गारवा

जन्म जन्म दुर्मिळ हा क्षण असला येतो
स्वप्नांच्या वाटेने चांदण्यात नेतो
बिलगताच जाईचा उमलतो थवा

क्षणभर मिटले डोळे, सुख न मला साहे
विरघळून चंद्र आज, रक्तातून वाहे
आज फुले प्राणांतून, केशरी दिवा

रेशमाच्या रेघांनी,
लाल काळया धाग्यांनी
कर्नाटकी कशिदा मी काढीला
हात नगा लावू माझ्या साडीला

नवी कोरी साडी लाख-मोलाची
भरली मी नक्षी फुल येलाची
गुंफियले राघू मोर, राघू मोर जोडीला

जात होते वाटेनं मी तोर्‍यात, मी तोर्‍यात
अवचित आला माझ्या होर्‍यात जी होर्‍यात
तुम्ही माझ्या पदराचा शेव का हो ओढीला

भीड काही ठेवा आल्या गेल्याची
मुर्वत राखा दहा डोळयाची
काय म्हनू बाई बाई, तुमच्या या खोडीला

गोरी गोरीपान, फुलासारखी छान

गोरी गोरीपान, फुलासारखी छान
दादा मला एक वहिनी आण

गोर्‍या गोर्‍या वहीनीची अंधाराची साडी
अंधाराच्या साडीवर चांदण्यांची खडी
चांदण्यांच्या पदराला बिजलीचा बाण

वहिनीला आणायला चांदोबाची गाडी
चांदोबाच्या गाडीला हरणाची जोडी
हरणाची गाडी तुडवी गुलाबाचे रान

वहिनीशी गट्टी होता तुला दोन थापा
तुला दोन थापा, तिला साखरेचा पापा
बाहुल्यांच्या परी होऊ, दोघी आम्ही सान