धुंदीत गाऊ, मस्तीत राहू

धुंदीत गाऊ, मस्तीत राहू
छेडीत जाऊ, आज प्रीत साजणा
थंडी गुलाबी, हवा ही शराबी
छेडीत जाऊ, आज प्रीत साजणी

रुपेरी उन्हात, धूके दाटलेले
दूधी चांदणे हे जणू गोठलेले
असा हात हाती,
तू एक साथी
जुळे आज ओठी माझ्या गीत साजणा

दवांने भिजावी इथे झाडवेली
राणी फुलांची फुलांनीच न्हाली
ये ना जराशी,
प्रिये बाहुपाशी
अशी मिलनाची आहे रित साजणी

जळी यौवनाचा डूले हा शिकारा
असा हा निवारा, असा हा उबारा
अशा रम्यकाळी,
नशा आज आली
एकांत झाला जणू आज पाहुणा